[vinuxavier]™

ക്രിസ്തുവർഷം മുപ്പത്തിമൂന്ന്( AD 0033) ജെറുസലേം നഗരത്തിന്റെ  കിഴക്കുഭാഗത്തായി, ഒലീവ് മലനിരകൾക്കരികിൽ,  ഉയരമുള്ള മരങ്ങളും പാറക്കെട്ടുകളും കൊണ്ടു നിറഞ്ഞ ഗാദ് -സമേനീ  (Gethsemene) എന്ന ഒരു താഴ്വര.  തിബേരിയൂസ് ചക്രവർത്തിയുടെ ഭരണകാലം. ഒരു ശൈത്യകാലത്തിന്റെ അവസാനം. “.. അവൻ സംസാരിച്ചുകൊണ്ടിരിക്കുമ്പോൾത്തന്നെ, പന്ത്രണ്ടുപേരിൽ ഒരുവനായ യൂദാസ് അവിടെയെത്തി. അവനോടുകൂടെ പ്രധാന പുരോഹിതന്മാരുടേയും നിയമജ്ഞരുടേയും ജനപ്രമാണികളുടേയും അടുത്തുനിന്നു വാളും വടിയുമായി ഒരു ജനക്കൂട്ടവും വന്നിരുന്നു. അവർ യേശുവിനെ പിടിച്ചു ബന്ധിച്ചു. ഇതെല്ലാം കണ്ട്, അവനോടൊപ്പം അവിടെ ഉണ്ടായിരുന്ന മറ്റു ശിഷ്യന്മാരെല്ലാവരും…