————————————————————

ഡാ ഭിനു,
ദേ ലേറ്റസ്റ്റ് അസേര്‍ട്ടീവ്നെസ്സ് അളക്കുന്ന ടെസ്റ്റ്. ഈ ചോദ്യങ്ങളുടെ
ഉത്തരങ്ങളെല്ലാം കറക്റ്റ് ആണെങ്കില്‍ അസേര്‍ട്ടീവ്. ഇല്ലെങ്കില്‍
കല്ലിവല്ലി.
എന്ന് അസേര്‍ട്ടീവ്നെസ്സ് കണ്‍സള്‍ട്ടന്റ് ശ്രീ ചില്ലരാനന്ദ
(അസേര്‍ട്ടീവ് തൈലം ഇപ്പോള്‍ ക്യാപ്സൂള്‍ രൂപത്തിലും)

1. നിങ്ങള്‍ ഒറ്റക്ക് ഒരു ബാറിലിരുന്നു(no smoking) ഒരു ബിയര്‍
കഴിക്കുകയാണ്. അപ്പുറത്തെ മേശയിലിരുന്ന് സ്കോച്ചടിക്കുന്ന തടിമാടന്‍മാര്‍
(ഒരാള്‍ക്ക് മുഖത്ത് വെട്ടു കിട്ടിയ പാടുമുണ്ട്) പുകവലിക്കുന്നുപുക
ആസ്ത്മ ശല്യമുള്ള നിങ്ങളുടെ ടേബിളിലേക്കാണ് വരുന്നത്..നിങ്ങള്‍ എന്ത്
ചെയ്യും?
അ. ഒന്നും ചെയ്യില്ല, അനങാതെ അവിടെയിരുന്നു ബിയറടിച്ചു ശ്വാസം മുട്ടി മരിക്കും
ബി. അവരോട് പോയി എച്യൂസ് മി സാര്‍, പുകവലി ഒന്നു നിര്‍ത്താമോ,
പറ്റില്ലെങ്കില്‍ വേണ്ട, അടുത്ത കൂട് എന്റെ വക, ഇനിയും വലിച്ചോ എന്ന്
പറയും
സി. അവിടെ പോയി സിഗര്‍ട്ട് വലിച്ചവന്‍മാരെയെല്ലാം തെറിപറഞ്ഞ് 2
പൊട്ടിച്ച് അവിടെ നിന്ന് കിട്ടുന്നതും വാങ്ങി പോരും
ഡി. ആരോടും മിണ്ടാതെ, മിഴികളില്‍ നോക്കാതെ… ഇറങ്ങിപോരും

2. നിങ്ങള്‍ക്ക് ബസ് കണ്ടക്ടെര്‍ 50 പൈസ ബാക്കി തരാനുണ്ട്. അടുത്ത ബസ്സ്
പിടിക്കാന്‍ നിങ്ങള്‍ക്ക് ടിക്കറ്റിനു 50 പൈസയുടെ കുറവുണ്ട്. ബസ്സ്
നിര്‍ത്തിയപ്പോള്‍ കണ്ടക്ടര്‍ക്ക് ചുറ്റും സുന്ദരികളായ കോളേജ്
കുമാരികളാണ് ഇരിക്കുന്നത്. നിങ്ങള്‍ എന്തു ചെയ്യും?
എ. ചേട്ടാ 50 പൈസ ബാക്കി കിട്ടാനുണ്ട് എന്ന് പറഞ്ഞു ചോദിച്ചു വാങ്ങും
ബി. ചേട്ടാ നൂറ് രൂപ കടം തരാമോ? നാളെ തിരിച്ചു തരാം എന്നു ചോദിച്ചു നോക്കും
സി. ഒന്നും മിണ്ടാതെ ഇറങ്ങി അടുത്ത ബസ്സ് പിടിക്കാതെ വീട്ടിലേക്ക് നടക്കും
ഡി. അടുത്ത ബസ്സില്‍ 50 പൈസ കടം പറയും, ഇല്ലെങ്കില് മുന്‍പത്തെ സ്റ്റോപ്പിലിറങ്ങും

3. പെണ്ണു കാണാന്‍ പോയ നിങ്ങള്‍ പെണ്ണിന്റെ വീട്ടിലാണ്. പെണ്ണിനെ
ഇഷ്ടപ്പെട്ടു. സുന്ദരി. പക്ഷേ പെണ്ണിനു നിങ്ങളെ ഇഷ്ടമായോന്നു ഡൌട്ടിലാണ്.
പെട്ടെന്നു നിങ്ങള്‍ക്ക് പ്രകൃതിയുടെ വിളി(നമ്പര്‍ടു തന്നെ)
വരുന്നു..എന്തു ചെയ്യും?
എ. എക്സ്ക്യൂസ് മി ടോയ്ലെറ്റ് എവിടെയാ എന്ന് അവളോട് ചോദിച്ചു
കണ്ടുപിടിച്ച് പോയി കാര്യം സാധിക്കും..
ബി. ഉടനെ വീട്ടിലെത്തി അത്യാവശ്യമുണ്ടെന്ന് പറഞ്ഞ് കാറില്‍ കയറി,
റോഡരികില്‍ നിര്‍ത്തിയോ മറ്റോ ആശ്വാസം തേടും
സി. ആമാശയത്തിന്റെ കപ്പാസിറ്റി അതി സാഹസികമായി അളക്കും
ഡി. ഷര്‍ട്ടില്‍ ചായ വീഴ്ത്തി അതു കഴുകാനെന്ന വ്യാജേന ബാത്തൃഊമില്‍ കയറി
കാര്യം സാധിക്കും

4. മാനേജറും പ്രൊജക്റ്റ് ലീഡറും നിങ്ങളും ലഞ്ചിനു പോയി. 4 ചിക്കന്‍
കഷ്ണമിട്ട കറി കിട്ടി. ഓരോരുത്തരും ഓരോ പീസെടുത്തു. ലാസ്റ്റ് ഒരു പീസ്
ബാക്കി കറിപാത്രത്തില്‍. നിങ്ങള്‍ എന്തു ചെയ്യും?
എ. രണ്ടുപേരുടേംമുഖത്തോട്ട് നോക്കാതെ ഒറ്റകുതിപ്പിനു ആ പീസെടുത്ത് പ്ലേറ്റിലിടും
ബി. ആ പീസെടുത്ത് മാനേജര്‍ക്ക് കൊടുത്തിട്ട് പി എല്ലിനെ നോക്കി
പ്രതികാരാത്മകമായി ചിരിക്കും
സി. മാനേജറോ പിഎല്ലോ ആ പീസെടുക്കുന്നത് നോക്കിയിരുന്ന് കൊതിച്ച്
അവരെകൊണ്ട് രണ്ടാഴ്ച ലീവെടുപ്പിക്കും
ഡി. ആദ്യമേ ചിക്കന്‍ പീസ് വേണ്ട എന്ന് പറഞ്ഞ് ഈരന്റു പീസ് മാനേജര്‍ക്കും
പിഎല്ലിനും വീതിച്ചു നല്‍കി രക്തസാക്ഷിത്വം വരിക്കും

————————————————————–

ബിനു കട്ട അസ്സേര്‍ടീവ് ആണെന്ന് തെളിഞ്ഞു.
ഇതായിരുന്നു ബിനുവിന്റെ ഉത്തരങ്ങള്‍ :
പൊകവലിക്കേസ്::
അ. ഒന്നും ചെയ്യില്ല, അനങാതെ അവിടെയിരുന്നു ബിയറടിച്ചു ശ്വാസം മുട്ടി മരിക്കും
പൈസ ഇല്ലാത്ത കേസ്::
ഡി. അടുത്ത ബസ്സില്‍ 50 പൈസ കടം പറയും, ഇല്ലെങ്കില് മുന്‍പത്തെ സ്റ്റോപ്പിലിറങ്ങും
പെണ്ണുകാണല്‍ കേസ് ::
ബി. ഉടനെ വീട്ടിലെത്തി അത്യാവശ്യമുണ്ടെന്ന് പറഞ്ഞ് കാറില്‍ കയറി,
റോഡരികില്‍ നിര്‍ത്തിയോ മറ്റോ ആശ്വാസം തേടും
ചിക്കന്‍ ഇഷ്യു ::
സി. മാനേജറോ പിഎല്ലോ ആ പീസെടുക്കുന്നത് നോക്കിയിരുന്ന് കൊതിച്ച്
അവരെകൊണ്ട് രണ്ടാഴ്ച ലീവെടുപ്പിക്കും

നിങ്ങള്‍ എന്തുമാത്രം അസ്സേര്‍ടീവ് ആണ്? ആയാ നിങ്ങക്ക് കൊള്ളാം?
വെലുതാവുമ്പോ ഒരു കൂടിയ ഇനം അസ്സേര്‍ട്ടീവ് ആവണെ എന്ന് പ്രാര്‍ഥനയോടെ.. ബിനു.!